دزيريات ام وليد
طريقة تحضيير دزيريات ام وليد باسهل وصفة .
- مقادير الحشو:
- 3 كأس كوكاو مطحون
- 1 كأس سكر
- مبشور قشر الليمون
- بيض
- مقادير العجينة:
- 3 كأس فرينة
- 1/2 كأس سمن او زبدة ذائبة
- ملح
- ماء الزهر
- للتعسال:
- 3 كأس عسيلة
- 1 كأس ماء الزهر
تحضيير الحشو :
نخلط السكر مع الكوكاو المطحون ثم نطحنهم مره اخرى مع بعض
نضيف مبشور قشر الليمون ثم نجمع الخليط بالبيض
نضيف اول حبة بيض و نجمع الخليط اذا لم يتجمع نضيف حبة ثانية و اذا تجمع نكتفي بحبة فقط المهم انه نتحصل على عجينة غير جافة و غير طرية كثيرا, بعد ذلك نعجنه قليلا ثم نضعه في كيس بلاستيكي و نتركه يرتاح في الثلاجة لمدة ساعتين على الاقل
تحضير العجينة و الحلوة:
نخلط الفرينة مع قليل من الملح رقيق ثم نضيف لها الزبدة الذائبة و نواصل الخلط, بعد ذلك نضيف ماء الزهر على دفعات مع الاستمرار في الخلط حتى نتحصل على عجينة طرية
ندلكها قليلا حتى تصبح ملساء ثم نضعها في كيس بلاستيكي و نتركها ترتاح في الثلاجة مدة ساعتين
نشكل الحشو على شكل كريات صغيرة وزن 30 غرام
نرش طاولة العمل بالفرينة و نفتح فوقها العجينة بالحلال حتى تصبح رقيقة جدا ثم نقطعها بطابع عادي اكبر من قوالب الدزيريات و على شكل دائرة .
نضع الدوائر في قوالب الدزيريات و نشكلها على حسب القالب ثم نضع كرية من الحشو داخل القالب فوق العجينة و نشكل فيها فيها بظهر السكين اربع خطوط متقاطعة .
- نزين الدزيريات بحبات اللوز ثم نغطيهم و نتركهم يرتاحوا لمدة ساعتين, بعد ذلك ندخلهم للفرن ساخن على 170 الى 180 درجة حتى ياخذوا لون ذهبي .
- نخلط كل كأس الا ربع عسيلة مع ربع كأس ماء الزهر ثم ننزع الدزيريات من القوالب و نغطسهم مباشرة و هم ساخنين في خليط العسيلة مع ماء الزهر و نتركهم يتشربوا لاطول مدة ممكنة ثم نصفيهم و نضعهم في قوالب ورقية
بالصحة و الهنا
تعليقات
إرسال تعليق